15. Объектілерде тамақтану және демалу:
1) бір мезгілде тамақ ішуді және әр түрлі өндірістік учаскелерден қызметкерлердің жиналуын болдырмайтын қатаң белгіленген орындарда тамақ ішуді ұйымдастыру. Барлық қажетті санитариялық нормаларды қамтамасыз ете отырып, цехтар/учаскелер жанындағы тамақ қабылдау аймақтарына (асханаларға) тамақ жеткізу жоққа шығарылмайды;
2) үстелдер арасындағы 2 метрден кем емес қашықтықты сақтау және бір стандартты үстелде не үстелдерде шахмат тәртібінде 4-тен артық отыратын орынға есептелген 2 жұмысшыдан артық отырғызу;
3) кейіннен жинау және жою арқылы бір рет қолданылатын ыдысты пайдалану;
4) асхана ыдыстарын жуу халықтың санитариялық-эпидемиологиялық саламаттылығы саласындағы мемлекеттік орган бекітетін «Қоғамдық тамақтандыру объектілеріне қойылатын санитариялық-эпидемиологиялық талаптар» санитариялық қағидаларына сәйкес жүзеге асырылады;
5) асханалар персоналының (сатушылар, аспаздар, даяшылар, кассирлер және тамақ өнімдерімен тікелей байланысы бар басқа да қызметкерлер) маскамен қызмет көрсетуі (маскаларды 2 сағатта кемінде 1 рет ауыстыру);
6) ас блоктары мен сауда объектілерінде, кәсіпорында нұсқамаға, қорғау құралдарын уақтылы ауыстыруға, дезинфекциялау, жуу және антисептикалық құралдардың қажетті қорын жабдықтауға және қадағалауға, нұсқаманы өткізу мерзімділігі, қорғау құралдарын ауыстыру және дезқұралдардың қорын толықтыру бойынша журнал жүргізуге жауапты адамды бекіту;
7) бір мезгілде қызмет көрсетілетін келушілердің саны дистанциялауды сақтай отырып, 5 адамнан аспайды;
8) үй-жайларды дезинфекциялау құралдарын қолдана отырып, жұмыс ауысымы аяқталғаннан кейін (немесе кемінде 6 сағаттан кейін) есік тұтқаларын, тұтқаларды, үстелдерді, орындықтардың арқаларын (креслолардың шынтақшаларын), тамақтану залына (асханаға) кіреберісте қол жууға арналған Раковиналарды, өзіне-өзі қызмет көрсету витриналарын дезинфекциялау сулықтарымен (немесе дезинфекциялау құралдарының ерітінділерімен) сүрту жолымен желдету және ылғалды жинау);
9) күшейтілген дезинфекциялық режимді жүргізу - үстелдерді, орындықтарды сағат сайын арнайы дезинфекциялық құралдармен өңдеу көзделеді.
ҚР Бас мемлекеттік санитариялық дәрігерінің 2022.21.01. № 4 Қаулысымен 271-қосымша жаңа редакцияда (бұр.ред.қара)
азақстан Республикасының
Бас мемлекеттік санитариялық дәрігерінің
2021 жылғы 2 қыркүйектегі
№ 38 қаулысына
27-қосымша
Шектеу іс-шараларын, оның ішінде карантин енгізу кезеңінде медициналық-әлеуметтік объектілердің (қарттар, мүгедектер үйлері, сәбилер үйлері және басқалары) қызметіне қойылатын
талаптар
1. Бала асырап алу, қорғаншылықты, қамқоршылықты белгілеу үшін жетім балалармен кездесуге әлеуетті ата-аналардың балалар үйлері мен балалар үйлеріне баруы әлеуетті ата-аналар теріс нәтижемен ПТР әдісімен COVID-19-ға зертханалық тексерілгені туралы құжатты немесе егер екінші компонентті алғаннан кейін 6 айдан аспайтын уақыт өткен болса COVID-19-ға қарсы вакцинацияның толық курсын немесе ревакцинация алғанын растайтын құжатты құжатты ұсынған кезде жүзеге асырылады.
2. Объектілерде анықталған симптомдары (қызба, тамақтың ауыруы, дімкәстік, жөтел, ентігу) бар пациенттерді (персоналды) уақытша оқшаулау үшін кемінде 2 төсек изоляторы бөлінеді. Изолятордың жұмыс режимі инфекциялық стационардың жұмыс режиміне сәйкес келеді;
3. Медициналық-әлеуметтік мекемелерге жаңадан келіп түсетін пациенттер үшін 10 күнге дейін болатын жеке палата (немесе изолятор) бөлінеді, жай-күйі мен термометриясы күніне кемінде 3 рет сұралып, қағаз немесе электрондық тасымалдағышта тіркеледі.
4. Жаңадан түсетін пациенттер (тұрақты медициналық қарсы көрсетілімдері бар адамдарды қоспағанда және COVID-19-бен ауырып жазылған адамдарды соңғы 3 айда қоспағанда) ревакцинация алғанын немесе екінші компонентті алғаннан кейін 6 айдан аспайтын уақыт өткен кезде COVID-19-ға қарсы вакцинацияның толық курсын алғанын растайтын құжаты бар болғанда медициналық-әлеуметтік мекемелерге қабылданады.
5. Респираторлық инфекция белгілері пайда болған (қызба, тамақтың ауыруы, дімкәстік, жөтел, ентігу) Персонал емделушілерде симптомдар пайда болған кезде дереу дәрігер-консультанттың шақыруымен изоляторға орналастырылады.
6. COVID-19 бойынша карантин кезінде пациенттер мен қызметкерлер күніне кемінде 3 рет жай-күйі мен термометриясы туралы сауалнама жүргізіп, қағаз немесе электрондық тасымалдағышта тіркеледі.
7. Науқаста ЖРВИ (пневмония) белгілері анықталған кезде инфекциялық стационарға тасымалдауды COVID-19 бойынша жедел медициналық көмек бригадасы жүзеге асырады.
8. Науқас немесе COVID 19 -мен байланыста болған адам анықталған және оқшауланған жағдайда қорытынды дезинфекция мамандандырылған ұйымдарды тарта отырып жүргізіледі.
9. Науқасты немесе COVID 19 байланысын анықтаған және оқшаулаған кезде қорытынды дезинфекция жүргізуге өтінімді COVID 19 жағдайын анықтаған медицина қызметкері береді.
10. Медициналық-әлеуметтік объектінің іргелес аумағын қорытынды өңдеу мекеменің өтініміне сәйкес ұйымдардың күшімен және қаражатымен жүргізіледі.
11. Пациенттер мен медицина қызметкерлері үшін көрнекі ақпараттық материалдарды (жадынамалар, нұсқаулықтар) ұсына отырып, COVID-19 профилактикасы бойынша санитариялық-ағарту жұмыстары жүргізіледі.
12. Объектіде олардың орындалуын бақылай отырып, COVID-19 кезінде карантиндік (эпидемияға қарсы) іс-шараларды жүргізу жөніндегі іс-шаралар жоспары бекітіледі.
13. Күнделікті (әр ауысымның алдында) режим талаптарының сақталуына нұсқау және мониторинг жүргізіледі.
14. Объектінің эпидемиологы (штатта эпидемиолог болмаған жағдайда жауапты медицина қызметкері) аптасына кемінде 1 рет сақ болу және COVID-19 кезінде эпидемияға қарсы іс-шараларды жүргізу мәселелері бойынша персоналды оқытуды жүргізеді.
15. Объектілерде тамақтандыруды ұйымдастыру кезінде мыналар қамтамасыз етіледі:
1) белгіленген нормаларға сәйкес пациенттердің толыққанды тамақтануы, тамақ тарату, асхана ыдыстарын өңдеу кезінде гигиеналық ережелерді сақтау. Тамақтану тұру бөлмелерінде жүргізіледі;
2) пациенттердің асханалық ыдыстарын буфеттерде жуу халықтың санитариялық-эпидемиологиялық саламаттылығы саласындағы мемлекеттік орган бекітетін «Қоғамдық тамақтану объектілеріне қойылатын санитариялық-эпидемиологиялық талаптар» санитариялық қағидаларына сәйкес;
3) жуу және дезинфекциялау құралдарының төмендетілмейтін қорымен (үш айлық қажеттілікті айқындай отырып), арнайы киіммен, медициналық маскалармен, қолғаптармен, тері антисептиктерімен, бір рет қолданылатын сулықтармен және жинау мүкәммалымен (шелектер, шүберек швабрлары).
16. Үй-жайларды тазалауды ұйымдастыру кезінде мынадай талаптар сақталады:
1) жуу және дезинфекциялау құралдарын қолдана отырып, ағымдағы жинау жүргізу үшін жауапты персонал айқындалады. Жауапты адамдарды бекітумен жинау кестесі жасалады;
2) барлық үй-жайларда күніне 3 реттен кем емес күнделікті ылғалды жинау есіктердің тұтқаларын, тұтқаларды, үстелдерді, орындықтардың арқалықтарын (креслолардың шынтақшаларын), қол жууға арналған раковиналарды, терезелер мен шырақтарды, терезе алды, есік ойықтарын, төсек жанындағы тумбочкаларды, қосқыштар мен розеткаларды, лифтілерді міндетті түрде өңдеу арқылы жуу және дезинфекциялау құралдарын қолдана отырып жүргізіледі.
3) дезинфекциялау қолдану жөніндегі нұсқаулықтарда вирустық инфекциялар кезінде объектілерді зарарсыздандыру режимдері көрсетілген дезинфекциялау құралдарын қолдана отырып, мынадай еселікпен жүргізіледі:
- есіктердің тұтқаларын, тұтқаларды, үстелдерді, орындықтардың арқаларын (креслолардың шынтақ қойғыштарын), қосқыштар мен розеткаларды, лифт кнопкаларын өңдеу- әрбір 2 сағат сайын;
- санитариялық тораптар (еден, санитариялық-техникалық жабдықтар, оның ішінде крандардың вентильдері, унитаз бөшкелерін, перилалар) - күніне 3 рет.
17. Дезинфекциялау құралдарымен жұмыстың барлық түрлерін бір рет немесе бірнеше рет қолданылатын ылғал өткізбейтін герметикалық қолғаптармен орындау керек. Жинау мүкәммалы жинау жүргізілгеннен кейін міндетті дезинфекциялауға жатады.
18. Медициналық-әлеуметтік объектілердің барлық үй-жайларын күніне кемінде 15 минут 6 рет желдете отырып, ауаның температурасы мен ылғалдылығының оңтайлы жағдайларын қамтамасыз ету үшін ауа ортасын желдету және ауа баптау жүйелеріне (тазалау, жуу, дезинфекциялау, фильтрлерді ауыстыру және т. б.) тексеру жүргізіледі.
19. Үй-жайларда (холлдар, тамақ қабылдау залдары) күн сайын жабық үлгідегі ультракүлгін бактерицидті сәулелендіру құралдары немесе адамдардың қатысуымен тәулік бойы қолдану мүмкіндігі бар рециркуляторлар пайдаланылады. Рециркуляторлар үй-жайдың периметрі бойынша немесе оның нұсқаулығына сәйкес орнатылады. Сәулелендіру құралдарының қажеттілігі мен жұмыс режимі дайындаушы зауыттың нұсқаулығына сәйкес, олар орнатылатын үй-жайлардың ауданына қарай есептеледі.
20. Персонал бір рет қолданылатын медициналық маскаларды (маскаларды ауыстыру әрбір 2 сағатта кемінде 1 рет) пайдаланады, антисептиктерді пайдалана отырып, қолды гигиеналық өңдеу жүргізіледі, медициналық манипуляциялар жүргізу кезінде - бір рет қолданылатын стерильді қолғап пайдаланылады.
21. Кір жуу мекеме жанындағы кір жуу орындарында немесе мамандандырылған кәсіпорындармен шарт бойынша жүргізіледі. Кір жуатын орын болған жағдайда тұратындар мен қызметкерлер үшін әртүрлі технологиялық ағындар көзделеді.
22. Төсек жабдықтарын (матрацтар, жастықтар, көрпелер) камералық дезинфекциялау дезинфекциялау камерасының үй - жайында жүргізіледі, болмаған жағдайда-шарт бойынша жүргізіледі. Төсек жабдықтарын камералық дезинфекциялау пациент шығарылғаннан, басқа ұйымдарға ауыстырғаннан немесе қайтыс болғаннан кейін жүргізіледі.
23. Медициналық қалдықтарды жинау, уақытша сақтау, әкету және залалсыздандыру мамандандырылған ұйымдармен шарт бойынша жүргізіледі. COVID-19 байланысты медициналық қалдықтарды кәдеге жарату қолданыстағы нормативтік құқықтық актілерге сәйкес жүргізіледі.
24. Үйде қызмет көрсететін ұйымдардың басшылығы мынаны қамтамасыз етеді:
1) қарттар мен мүгедектерге үйде қызмет көрсететін әлеуметтік қызметкерлердің жеке қорғаныш құралдарымен, оларға үйге бару үшін автокөлікпен;
2) қағаз немесе электрондық жеткізгіште тіркей отырып, әлеуметтік қызметкерлердің жағдайына күнделікті сауалнама жүргізу және термометриямен;
3) респираторлық инфекциялар симптомдары (дене температурасының көтерілуі, тамақтың ауыруы, әлсіздік, жөтел, ентігу) бар әлеуметтік қызметкерлерді жұмыстан шеттету.
25. Мүгедектер мен қарттардың тұрғын үй-жайларындағы ылғалды жинау Қазақстан Республикасының аумағында рұқсат етілген дезинфекциялау құралдарын пайдалана отырып жүргізіледі.
26. Уақытша болу ұйымдарына жаңадан келіп түскендер үшін (белгілі бір тұрғылықты жері жоқ адамдар, тұрмыстық зорлық-зомбылық және адам саудасының құрбандары үшін) 10 күнге дейін болатын және жай-күйін сұрау жүргізу мен термометрия арқылы күніне кемінде 3 рет қағаз немесе электрондық жеткізгіште тіркеліп, жеке палата (немесе изолятор) бөлінеді.
ҚР Бас мемлекеттік санитариялық дәрігерінің 2022.21.01. № 4 Қаулысымен 28-қосымша жаңа редакцияда (бұр.ред.қара)
Қазақстан Республикасының
Бас мемлекеттік санитариялық дәрігерінің
2021 жылғы 2 қыркүйектегі
№ 38 қаулысына
28-қосымша
Шектеу іс-шараларын, оның ішінде карантинді енгізу кезеңінде спорттық жарыстарды өткізуге қойылатын күшейтілген санитариялық-дезинфекциялық режим
талаптары
1. Жарыстар күшейтілген санитариялық-дезинфекциялық режимді сақтаған жағдайда бас санитариялық дәрігерлердің келісімі бойынша жергілікті жерлерде қауіпсіздікті және санитариялық нормаларды сақтауды қамтамасыз ету үшін белсенді аймақтарды (жердегі белгілер арқылы немесе шектеу тіректері, жалаушалар немесе әлеуметтік қашықтықты сақтауға арналған белгілер арқылы орындарды белгілеу) біркелкі бөлудің міндетті бар болатын орындарда өткізілуі тиіс.
2. Күшейтілген санитариялық-дезинфекциялық режим талаптары:
1) командалардың (жарыстарды өткізу орнына барынша жақындатылған) бөлек және қауіпсіз тұруын және тамақтануын қамтамасыз ету;
2) қатысушылардың тұрғылықты, тамақтанатын және жарыстар өткізілетін жерлерден тыс жерлерге кіруін шектеу;
3) жарыстардың барлық ұйымдастырушылары мен қатысушыларында берілген күннен бастап 3 тәуліктен астам уақыт өтпеген COVID-19 коронавирус инфекциясына зерттеулердің теріс нәтижелерінің және ревакцинация алғанын немесе екінші компонентті алғаннан кейін 6 айдан аспайтын уақыт өткен кезде COVID-19-ға қарсы вакцинацияның толық курсын алғанын растайтын құжаттың (тұрақты медициналық қарсы көрсетілімдері бар адамдарды қоспағанда және COVID-19-бен ауырып жазылған адамдарды соңғы 3 айда қоспағанда) міндетті түрде болуы;
4) санитариялық тораптарды жеке гигиена құралдарымен (сұйық сабын, антисептиктер) қамтамасыз ету;
5) ауа баптағыштарды тазалау;
6) әрбір 50-100 м сайын холлдарда, дәліздерде, лифтілерге, санитариялық тораптарға кіреберістерде тері антисептигі бар санитайзерлер орнату;
7) есік тұтқаларын, ажыратқыштарды, тұтқаларды, таяныштарды, жалпы пайдалану орындарының жанасатын беттерін (киім ілетін орындар, тамақ ішетін, дем алатын бөлмелер, санитариялық тораптар) кейіннен 15 минутқа желдете отырып, күніне кемінде 2 рет вирулицидті әсер ететін құралдармен дезинфекциялай отырып, үй-жайларды ылғалды жинауды жүргізу;
8) КВИ профилактикасы шаралары бойынша персоналға күнделікті нұсқама беру;
9) жұмыс күні ішінде жұмыскерлердің температурасын бақылауға және температурасы жоғары және инфекциялық ауру белгілері бар адамдардың жұмыс орнында болуына жол бермеу;
10) нормативтік құқықтық актілерде белгіленген санитариялық-эпидемиологиялық талаптарды сақтау.
Бас мемлекеттік санитариялық дәрігерінің
2021 жылғы 2 қыркүйектегі
№ 38 қаулысына
29-қосымша
COVID-19-дан қайтыс болған адамдардың мәйіттерін жерлеу алгоритмі
Медициналық ұйымда СОVID-19 коронавирустық инфекциясымен ауыратын немесе күдікті пациент қайтыс болған жағдайда «Халық денсаулығы және денсаулық сақтау жүйесі туралы» 2020 жылғы 7 шілдедегі Қазақстан Республикасы Кодексінің 131-бабына сәйкес паталогоанатомиялық ашу жүргізіледі.
Қайтыс болған адамның денесімен жұмыс істейтін медицина персоналы денемен жанасу дәрежесіне қарай денемен және оны қоршаған заттармен жанасқанға дейін және одан кейін қолды гигиеналық өңдеуді қоса алғанда, жеке қорғаныш құралдарын (халат пен қолғап) пайдалануы қажет. Физиологиялық сұйықтықтардың немесе бөлінділердің шашырау ықтималдығы кезінде персонал қорғаныш қалқандарын немесе көзілдіріктерді және медициналық маскаларды қоса алғанда, бетті қорғау құралдарын пайдалануы тиіс.
Бұл ретте денені мәйітханаға тапсыруға дайындау керек, оның ішінде барлық инфузиялық жүйелерді, катетерлерді және басқа түтіктерді шығарып, денеден ағып жатқан барлық сұйықтықтарды оқшаулауды қамтамасыз ету қажет. Сұйықтықтар көп аққан кезде арнайы пакеттерді пайдалануға рұқсат етіледі.
Ашу медициналық ұйымда биологиялық өлім анықталғаннан кейін алғашқы тәулікте жүргізіледі.
Диагнозды, өлімнің себептерін және гистологиялық және зертханалық зерттеудің басқа да түрлеріне биологиялық материалды алу мақсатында қайтыс болған адамның денесі патологоанатомиялық бөлімшеге тасымалданады.
Қалалық және облыстық қоғамдық денсаулық басқармалары COVID-19-дан қайтыс болған адамдардың мәйіттерін патологоанатомиялық зерттеу жүргізілетін патологоанатомиялық диагностиканы жүзеге асыратын ұйымдарды анықтайды.
Патологоанатомиялық бөлімшелерде COVID-19 қайтыс болғандарды патологоанатомиялық ашуға, биоматериалды алуға, секциялық залды жинау мен дезинфекциялауға қатысатын барлық қызметкерлердің Т.А.Ә., күндер мен іс-әрекеттерін тіркей отырып, журнал жүргізуді қамтамасыз ету қажет.
Ашу желдетілетін секциялық бөлмеде жүргізіледі, желдету жүйесі сағатына кем дегенде алты еселік ауа алмасуды қамтамасыз етуі тиіс.
Ашуға осы қаулыға 3-қосымшаға сәйкес жеке қорғаныш құралдарымен персоналдың ең аз саны (бір дәрігер-патологоанатом және екі санитар) қатысады.
COVID-19-бен ауыратын науқастардың мәйіттерін қарап-тексерумен, тасымалдаумен, жұмыс істеумен және қызмет көрсетумен байланысты барлық адамдар жеке қорғаныш құралдарын (қолғаптар, бетті қорғауға арналған экрандар, сондай-ақ қорғаныш дәрежесі жоғары медициналық маскалар немесе респираторлар (кемінде 2-ші қорғаныш сыныбы немесе FPP2), таза, стерильді емес, ұзын жеңді суға төзімді халатты (немесе суға төзімді бір рет қолданылатын костюм, немесе суға төзімді комбинезон), резеңке етікті немесе қонышы ұзын резеңке бахилаларды (бұдан әрі - ЖҚҚ) пайдаланады.
COVID-19-дан қайтыс болған науқастың мәйітін жуу прозектурада жүргізіледі. Денені дайындау ең аз адамдардың қатысуымен жүзеге асырылуы керек. Мәйітті жууға тартылған адамдар (3 адамнан артық емес) ЖҚҚ (алжапқышы бар су өткізбейтін халат, көзілдірік, медициналық маскалар, қолғаптар) киеді. Дене сұйықтықтарының шашырауы мүмкін кез келген іс-әрекетті орындау кезінде көзді және ауызды қорғау құралдарын (бетке арналған қорғаныш қалқаны немесе көзілдірік, сондай-ақ медициналық маска) пайдалану керек.
Денені дайындауға балалар, қарттар (60 жастан асқан) және созылмалы патологиясы бар адамдар (тыныс алу аурулары, жүрек-тамыр аурулары, қант диабеті немесе иммундық жүйесі әлсіреген) қатыспауы керек.
Денені дайындауға арналған үй-жайдағы беттер алдымен сабынды сумен немесе өнеркәсіптік өндірістің дайын жуу құралымен өңделеді, содан кейін вирустық инфекциялар кезінде дезинфекциялау режимдері көрсетілген, оларға қоса берілген нұсқаулықтарға сәйкес дезинфекциялау құралымен өңделеді.
2 метрден кем емес қашықтықты сақтай отырып, ЖҚҚ (респиратор, бір рет қолданылатын медициналық халат, қолғаптар, бахилалар) пайдалана отырып, жуу кезінде қайтыс болған адамның 2 адамнан артық емес туысқанының болуына жол беріледі.
Табытсыз көмген кезде (ұлттық әдет-ғұрып бойынша) дезинфекциялау ерітіндісімен жуады және қолданылатын препараттың нұсқаулығына сәйкес шоғырланудағы тиісті вирулицидті (бактерицидті) дезинфекциялау ерітіндісі сіңірілген матаға (саван, «кебін») орайды. Содан кейін дене полиэтилен пленкамен оралып, тығыз матаға оралады. Жерлеу кезінде саванды ашуға және қайтыс болған адамның бетін ашуға тыйым салынады.
Табытпен көмген кезде (ұлттық әдет-ғұрып бойынша) қайтыс болған адамның мәйіті пайдаланылатын препараттың нұсқаулығына сәйкес шоғырланудағы тиісті вирулицидті (бактерицидті) дезинфекциялау ерітіндісі сіңірілген матаға оралады. Содан кейін дене полиэтилен пленкамен оралып, қайтадан тығыз матаға оралады. COVID-19-дан қайтыс болған адамның мәйіті жерлейтін жерге жабық табытта тасымалданады.
Жерлеу іс-шараларын өткізу үшін (жаназа, арулау және т.б.) туыстарымен қоштасу үшін мәйітті беруге рұқсат етіледі. Діни салтқа тек бір ғана діни қызметкердің қатысуына жол беріледі. Бұл ретте діни қызметші мен туыстары қайтыс болған адамның денесін ұстамайды.
Прозектурадан кейін дене мәйітті тасымалдау және жерлеу кезінде биоқауіпсіздік шараларын сақтауды түсіндіру және тиісті қолхат алу арқылы қайтыс болған адамның туыстарына жерлеуге беріледі.
Мәйітпен тікелей байланыс жасамайтын жерлеуге қатысушылар (туыстары, жақындары және басқалары) жеке қорғаныш құралдарын (маска, қолғап) пайдалануы тиіс. Жерлеу барысында кем дегенде 2 метр қашықтықты сақтау қажет.
CОVID-19 расталған/немесе ықтимал диагнозы бар қайтыс болған адамның мәйітін көму жеке зират бөлместен жалпы зираттарда жүргізіледі.
Жерлеу аяқталғаннан кейін құрал-саймандар, қорғаныш киімі, көлік қабірдің шетінде тікелей көмілген жерде тиісті шоғырланудағы және экспозициядағы дезинфекциялау құралдарымен зарарсыздандырылады.
Мәйітті көму орнына тасымалдау үшін пайдаланылған көлік нұсқаулыққа сәйкес тиісті шоғырланудағы дезинфекциялау құралдарымен мұқият жуу немесе гидропультпен қарқынды сулау жолымен зарарсыздандырылады.
Көлікті дезинфекциялауды (жууды) жүргізетін адамдар жеке қорғаныш құралдарын (қорғаныш халаты, қолғаптар, медициналық маскаларды) пайдалануы қажет.
Көлікті басқа орындарда дезинфекциялауға және көму орнынан зарарсыздандырылмаған құрал-саймандарды, пайдаланылған қорғаныш киімдерін және мәйітті тасымалдау мен көмуге пайдаланылған басқа да заттарды әкетуге жол берілмейді.
Қайтыс болған адамды (CОVID-19 расталған/немесе ықтимал диагнозы) басқа қалалар мен жерлерге тасымалдауға ҚР ДСМ Санитариялық-эпидемиологиялық бақылау департаментінің келісімі бойынша рұқсат етіледі.
Елдің аумағында СОVID-19-дан шетел азаматтары қайтыс болған жағдайда мәйітті тасымалдау және оны көму бойынша барлық іс-шаралар Қазақстан Республикасының қолданыстағы нормативтік құқықтық актілеріне сәйкес жүзеге асырылады.
ҚР Бас мемлекеттік санитариялық дәрігерінің 2022.21.01. № 4 Қаулысымен 30-қосымша жаңа редакцияда (бұр.ред.қара)
Қазақстан Республикасының
Бас мемлекеттік санитариялық дәрігерінің
2021 жылғы 2 қыркүйектегі
№ 38 қаулысына
30-қосымша
Шектеу іс-шараларын, оның ішінде карантинді енгізу кезеңінде стоматологиялық клиникалардың қызметіне қойылатын талаптар
1-тарау. Жалпы талаптар
1. Объектінің әкімшілігі Infokazakhstan.kz сайтында сауда жасаушы тұлғалардың жұмыс жағдайларымен міндетті түрде танысады және тиісті келісімге қол қояды
2. Ұйымның бірінші басшысының бұйрығымен COVID-19 бойынша карантин кезінде профилактикалық іс-шаралардың сақталуына жауапты адам анықталады.
3. Клиника қызметкерлерімен COVID-19 кезінде жеке қорғаныс құралдарын қолдану алгоритмі бойынша нұсқаулық өткізіледі.
4. Дене температурасын тексеру және өлшей отырып, клиника қызметкерлеріне тұрақты медициналық бақылау орнатылады.
5. Қызметкерлерді жұмысқа жіберу жеке медициналық кітапшасы және жұмысқа рұқсаты болған кезде жүзеге асырылады. Объектінің үй-жайларына мынадай адамдар жіберілмейді:
1) COVID-19-бен ауыратын байланыста болған адамдар;
2) COVID-19 немесе басқа да жіті респираторлық инфекция белгілері бар (жоғары температура, жөтел, мұрынның бітелуі) персонал.
6. Клиникада персонал осы талаптарды сақтауын қамтамасыз ететін жауапты жұмыскер тағайындалады.
2-тарау. Стоматологиялық көмек көрсеткенге дейін пациенттерді сұрыптау жөніндегі іс-шаралар
7. Респираторлық инфекция және/немесе пневмония белгілері бар науқас ықтимал жұқтырған деп түсіндіріледі, яғни COVID-19 инфекциясының көзі.
8. Қабылдауға алдын ала жазылу бойынша жүргізіледі.
9. Тіркеуші/әкімші қабылдауға жазылу кезінде пациентке COVID-19 немесе басқа да респираторлық инфекция белгілері болған кезде стоматологиялық клиника COVID-19 таралуының профилактикасы үшін қабылдауды тоқтатуға құқылы екенін ескертеді.
10. Шұғыл немесе жоспарлы стоматологиялық көмек көрсету үшін пациенттер клиникаға барған кезде байланыссыз термометрия жүргізіледі.
11. Пациентті қабылдауға жазу кезінде пациентті қабылдағанға дейін және одан кейін кабинетті өңдеу уақыты және жеке қорғаныш құралдарын (бұдан әрі – ЖҚҚ) ауыстыру ескеріледі.
12. Пациенттерді күту бөлмелерінде және стоматологиялық кабинетте пациентке, мысалы, 18 жасқа дейінгі кәмелетке толмаған балаларға, ерекше қажеттіліктері бар адамдарға, егде жастағы пациенттерге көмек қажет болған жағдайларды қоспағанда, еріп жүретін адамдардың болуы қажет емес деп ескертеді.
13. Науқастың стоматологиялық кабинетке кіруі бахилада және медициналық маскада жүзеге асырылады. Егер науқаста медициналық маска болмаса, оған кірген кезде медициналық маска беріледі, сондай-ақ кірген кезде пациент қолын антисептикпен өңдейді.
3-тарау. Стоматологиялық клиниканы пациенттерді қабылдауға дайындау шаралары
14. Қолда бар ЖҚҚ - медициналық маскаларға, хирургиялық халаттарға, медициналық қолғаптарға, бетке арналған қорғаныш экрандарға, антисептиктер мен дезинфекциялау ерітінділеріне түгендеу жүргізіледі. Есепті қажеттілікке, өңдеу ауданы мен еселігіне, персонал санына және 7-10 күн мерзімге пациенттерді қабылдау кестесіне сүйене отырып, азайтылмайтын қор қамтамасыз етілсін.
15. Келушілер қол тигізе алатын және дезинфекциялау қиын/мүмкін емес журналдар, жарнамалық материалдар, ойыншықтар және басқа да заттар күту аймағынан шығарылады.
16. Холлдағы, стоматологиялық кабинеттегі көрнекті жерде пациенттерге тыныс алу гигиенасы, Жөтел этикеті және әлеуметтік қашықтық бойынша нұсқаулық беру үшін ақпараттық материалдар орналастырылады. Бұл материалдардың беті өңделеді.
17. Стоматологиялық кабинеттерде ЖҚҚ кию, алу, қолды жуу бойынша нұсқаулық үшін ақпараттық материалдарды басып шығару және көрнекті жерге орналастыру.
18. Санитариялық-эпидемияға қарсы іс - шараларды жүргізу-үй-жайларды дезинфекциялау құралдарын қолдана отырып, персонал мен келушілерге арналған есік тұтқаларын, тұтқаларды, жабдықтарды, үстелдерді, санитариялық тораптарды дезинфекциялау сулықтарымен (немесе дезинфекциялау құралдарының ерітінділерімен) сүрту жолымен желдету және ылғалды жинау қамтамасыз етіледі.
19. Кіреберістерде, барлық кабинеттер мен үй-жайларда: қолға арналған антисептиктері бар дозаторлар, санитариялық бөлмелер сұйық сабыны бар дозаторлармен, бір рет қолданылатын қағаз сулықтармен, пайдаланылған маскалар мен сулықтарды жинауға арналған педальмен жабдықталған қоқыс жәшіктерімен жабдықталады. Пайдаланылған маскалар үшін санитариялық тораптарда және тіркеу орнында медициналық қалдықтарды қауіпсіз жинау және кәдеге жарату контейнерлері (ҚҚСК) орнатылады.